Li Tirkîyê bi minesebeta ″Vebûna Kurd″ navên kurdî yên gund, bajar û bajarokan jî ketin rojevê.

Endam û heweskarên pelikê înternetê, ″zincirlîkuyu net″ê jî li ser vê mijarê ketine nav mineqeşe û
dan û standinan. Hewldaneke bi kêr e. Lê disa jî dixwazim mineteke xwe bikim. Di vê mineqeşeyê da qasî ku ez tê gihêştime qala navên bi kurdî kêm e.

Gerek e ku dezgeh, sazî û şexsîyêtên Kurdên Anatolîyê yên din jî bikevin nav mineqeşe û lêgerînên han û li ser navlêkirîna cîh û waran bi kurdî nezer û pêşnîyarên xwe aşkere bikin.

Merem ew e ku heqê xumalîyan hebe ku serbest li hêla navên tirkî yên kurdî jî bi resmî li gund û bajarên xwe û mehele, cade û meydanên wan nin. Bi ya min baştir e û li gora realîteya vê demê ye ku navên cîh û warên kurdan bi tirkî û kurdî yanê duzimanî bin.

Her çiqas alîyekî mijarê yê yasayî hebe û li dawîyê navlêkirina bi kurdî heq û wazîfeya serdar û meclîsên gund û bajara be jî, xumalî jî dikanin teve vî karî bibin û pêşnîyaran bikin.

Ma meriv li ser çi binyadê navên kurdî ji bo gund, bajar, mehele, meydan û cade bibjêre?

Bi fikra min gerek e ku meriv xwe di lêgerin û bijartina navên kurdi da li xusisîyetên han bigre:

1 Navên kurdî yên kevn û ji bavûkalan da mayî
2 Navên hoz (eşîr), qebîlê û malbatan
2 Navên şexsîyêtên bi nav û deng yên wê derê û yên temamê kurdan
3 Navên ku merem û mirazên civatê tînin ziman.

Sewa vekirin û zelalkirina esasên li jor dixwazim navên kurdî û tirkî bi çend nimûneyên li ser Xelikan* binim ber çavan.

Pêşnîyar ji bo navên bi kurdî:

Navê gund yan Qesebayê:
Xelikana Jor
Şahredarîya Xelikan

Mehele:
Mehela Torinan
Mehela Helacan
Mehela Oxçîyan

Yayle:
Girê Qocê
Yayla Mehtopelê
Yayla Osikê

Rê, ziqaq, Meydan, Park:
Rêya Azadî
Rêya Celadet Bedirxan
Rêya Hizirê Hemê
Rêya Aştî
Rêya Şivan Perwer
Rêya Cigerxwîn
Makrê
Rêya Memê Alan
Rêya Zîna Zeydan

Ziqaq / Sûk
Ziqaqa Fatê Reşê
Ziqaqa Qirmitan
Surikan
Kundiran
Kulik
Çorli
Elîyê Bêzê
Bêrê
Ehmedê Mestê
Mihê Reşê
Atikê

Park
Parka Vêsînîyê
Parka Heşin
Meydana Şahîyê

Mektew, Navênda Kulturî:
Lîseya Xelikan
Mektewa Seretayî
Kulturxana Ehmedê Xanî

Camî:
a- Camîya kevn
b- Camîya Selehedîn Eyubî
c- Camîya Jor

a- Camîya Nû
b- Camîya Seîdê Nursî
c- Camîya Jêr

Kanî:
Kanîya Şên
Kanîya Malê Hecê
Kanîya kwîrik
Kanîya Nû
Kanîya Benê

Navên Cî û waran:
Korta Bergîran
Deşta Zîwên
Hevşoyê Gencê
Girikê Malê Mircê
Bîra Husî Cenê

Goristan:
Goristanê Mezin
Goristanê Kevn

Jêrenot: Spas ji Mem Xelikan ra. Wi zehmet kir û ji min ra navên cîh û warên Xelikan yên bi tirki amadekirin û şandin

*Çima ku ez Xelikan nas dikim, min ew nimûne bijart

09.12.2009